“Хүүхэд бүр НЭГ мод” санаачилгыг хамтран эхлүүллээ!

"Кредитех СТМ ББСБ" ХХК нь 2025 оны 6 дугаар сарын 9-ний өдөр НҮБ-ын "Хүүхдийн Сан" (UNICEF Mongolia) болон "Тэрбум Мод Сан"-тай хамтран “Хүүхэд бүр НЭГ мод” санаачилгыг хамтран хэрэгжүүлэхээр гурван талт хамтын ажиллагааны санамж бичиг байгуулав.

Энэхүү үйл ажиллагаанд "Кредитех СТМ ББСБ"-н ТУЗ дарга Д.Цолмон, Гүйцэтгэх захирал Х.Амгаланбаяр, НҮБ-ын Хүүхдийн Сангийн Монгол дахь Суурин төлөөлөгч Ноён Эваристе Коуасси-Комлан, "Тэрбум Мод Сан"-гийн Удирдах зөвлөлийн дарга З.Шагдарсүрэн болон Гүйцэтгэх захирал Б.Баярмаа нар оролцлоо.

Талууд хамтын ажиллагааны хүрээнд 5 жилийн хугацаанд 500 сургууль, цэцэрлэгийн орчныг моджуулах, 280,000 хүүхдэд ойн болон цэцэрлэгжүүлэлтийн боловсрол олгох, байгальд ээлтэй, ногоон ирээдүйг хамтдаа бүтээх зорилготой юм.

Хүүхэд бүрд НОГООН ирээдүй!

2025.06.09